Pemandai, TEKBET di ati Belama

Kemisi dah berengkah, anembiak sekula ulih relek lebih kurang sebulan lebih lalu anembiak pom 5 enggau 6 pan nyau berengkah ngetest penemu ba peresa SPM enggau STPM. Ngagai bala menyadi, kaban, kaban ngagai kaban, bala menyadi kaban, Good luck for your exams! Ngagai anembiak ka bedau ngambi peresa, selamat ari kemisi ngagai bala kita. Kena meh kemisi tu ngaga kerja ti manah, nulong apai indai enggau utai ti ulih mantu ngemujur ka pengidup diri.

*************

Lebuh ba kedai kopi lemai tadi, teringat aku maya sekula suba meda bala anembiak sekula mansa kami. Maya sekula suba sigi enda ulih buai ari pengingat aku laban maya sekula maya ti amat rindu lalu senyum tekuyung ti ngenang ka ulah diri suba. Ti enda besekula, tentu aku enda nyadi mensia ti beguna. Kada enda bitau-bitau minta sedekah tauka ngereja ti enda manah. Ba runding aku, nadai cara bukai ti kitai ko idup meruan tau nadai cara bukai kena kitai ngubah pengidup ngagai ka manah agi ti enda ari pemandai ti diulih kitai ba sekula. Ngagai orang ka biak, belajar meh enggau manah, ngasi meh ka apai indai seagi kitai dipelanja sida ia lalu ngangi meh ka bala pengajar ti meri kitai penemu.

Ba batch kami 97/98 (VOKBET / TEKBET), aku muji anembiak maya nya, kelebih agi bala senior kami, laban sida ia meri peransang ngagai kami. Meda sida ia besaing maya belajar lalu kami pan ko nunda. Kami ka biak (junior) cukup bebasa ngagai sida ia. Enda kala ngindik pala sida ia. Lalu hal nya ditunda kami lebuh kami nyadi senior ba TEKBET. Kami belajar belaban enggau pangan diri, ti alah enda malu lalu ti menang sigi bonus ngagai kami. Enda tau meda bala kaban belajar lalu ko nunda betitih ka pangan diri. Kami nguna kebebasan ti diberi bala pengajar ngasoh kami belajar ba kelas enda milih maya ko badu belajar malam taja pan ba asrama maya nya bisi meja alai belajar (Ba Block C, ti enda salah aku). Ukai nama enggai belajar ba asrama, ti meda tilam lalu ko tinduk. Heee...

Ngagai bala pengajar, anembiak ba taun 97/98. Terima kasih laban ngajar kami jadi mensia lalu baka kaban terima kasih laban meri persaingan ti sihat. TEKBET, ti nadai nuan ilmu dalam dada aku enda ngeninggi tu.

TEKBET BOLEH (Tekbet forever!)