Nganti aja meh!

Nyau ko ampuh ai wap ekspress lemai kemari lebuh ka bejalai kin nganti express ari Miri laban kaban bisi ngirim barang ari nyin. Akai dai, tiap lemai ari ujan ujung taun tu lalu kenu ko cerita pasar Marudi balat ko kena banjir ti ari ujan balat sereta enda ngetu. Jadi diatu, kami ditu nyau bejaga-jaga lalu dah sedia ko main ai bah.. haaa.... Jabatan kaji cuaca pan madah purata leka ujan ba menua pesisi nambah kelebih agi ujung taun tu ila.

Rindu ga ninga cerita sida ia ka nguan menua ditu bercerita utai ka nyadi ti maya banjir lalu bisi ga ati ko ensepi, takut ga enggai ka bala baya 'landing' ke pantai.. haaa... Maya nya sayur pan nadai lalu kedai sigi jarang dibuka laban ketegal ampuh asak ka ai.

***

Hey... enda nemu baka ni, ti musin panas pan kitai mensia sebana lalu ti musin ujan anang sebut agi. Nya meh dunya diatu, dah kelalu jauh berubah ari ka suba. Enti suba kemarau pan enda meh kemarau panjai sampai nadai ai, lalu ujan pan enda meh ngampuh ka menua tauka alai diau. Ampuh sigi ampuh tang enda tak balat baka ka diatu.

Ti dirunding ka enggau panjai, nyau tuai meh dunya alai kitai diau tu... nganti aja meh kitai penatai Petara ngambi kitai pulai ngagai 'menua' siti. Arapka banjir ti ko datai tu enda tak kelalu meh, enggai bala mensia pedis ko begiga ka utai empa kelebih agi orang ka bumai laban banjir tau ngerusak utai tanam sida ia.