Apakah DISIPLIN puncanya?

Jika dahulu Lin Dan adalah musuh tradisi dan pencabar yang digeruni dalam karya Lee Chong Wei, namun sekarang ini Chin Long adalah satu adalah salah satu pemain yang kelihatan berjaya dilahirkan oleh Negara Tembok Besar itu, China. Kekalahan terbaru Lee Chong Wei kepada Chin Long di Terbuka Denmark membuktikan percaturan China tepat pada masanya menjelang Olimpik  London 2012.

Satu ketika dahulu kita telah melihat drama pengunduran Lin Dan untuk bermain dengan rakan senegaranya dan kita juga melihat karenah Lin Dan seakan-akan mengelak untuk bertemu dengan Lee Chong Wei dalam setiap perlawanan terutama Super Series untuk memberi ruang kepada rakan senegaranya yang seperti Chin Long, Chin Jin mahupun Chua Boa Lai, itu adalah strategi yang sangat berjaya dilakukan oleh China.  China adalah negara yang hebat dan mereka berpontensi menyapu keseluruhan pingat emas dalam semua kategori termasuk acara berpasukan di Olimpik nanti.

Saya rasa sekarang ini China telah mula mengatur strategi pemainnya dalam ranking BWF.

Sedangkan.....

Rakyat Malaysia hanya bergantung kepada Datuk Lee Chong Wei dan pada masa yang sama pasangan beregu lelaki (Tan/Koo dan yang lainnya) tidak menunjukkan prestasi memberansangkan. Ada yang menyinar namun ianya hanya seketika untuk satu atau dua kejohanan sahaja dan tidak konsisten. Apakah pemain itu sendiri cepat berpuashati dengan pencapaiannya?

Saya rasa ramai yang sependapat dengan saya sekiranya saya mengatakan Badminton di Malaysia mengalami fasa kemerosotan yang sangat ketara di samping negara seperti India, Jepun, Korea dan Thailand berjaya menghasilkan pemain yang berkeupayaan bergelar Juara ataupun pencabar dalam jangka masa yang pendek. Malaysia masih tercari cari.  Apakah ramuan yang harus diterapkan oleh BAM untuk kem latihan skuad kendaliannya untuk menjadikan Malaysia mempunyai ramai pemain yang digeruni? Ataupun kita mengkaji dari mula termasuk program dan corak latihan atau mengenalpasti sama ada ianya adalah DISIPLIN pemain sendiri?. BAM harus tegas dalam mengendalikan persatuannya untuk mencari pemain yang benar-benar berbakat, berpontensi, BERDISPLIN, dan mempunyai semangat juang yang tinggi demi maruah bangsa, agama dan negara tercinta, MALAYSIA.

31 Taun ka Udah!

Bulan beganti bulan taun beganti taun, enda berasai aku udah idup ba dunya tu kira-kira 31 taun ka udah. 26hb sepuluh tu tadi umur aku udah genap 31 taun. Terima kasih ngagai Tuhan laban ngemanjai ka umur sereta meri berekat ti enda putus-putus ngagai pengidup aku.

Macam-macam utai dirempuh tauka ditengah lebuh maya idup ba dunya tu, penusah enggau penyenang sigi enda kala lari ari pengidup kitai mensia sebaka mega  pemerinsa enggau pengelantang.  Tuhan sigi adil nentu ka pengidup kitai, nya alai lebuh pengidup kitai bejalai kitai enda tau enda ingat ka sapa ti ngaga sereta nentu ka pengidup kitai ianya Tuhan.

Dalam taun tu mega, penusah besai nuntung ruang bilik kami ianya pemati niang adi aku ka biak. Ti nitih ka ati, nadai tuju nerus ka idup laban orang ka disayau udah ninggal ka kitai kelebih agi ti umur agi biak, laban ba pikir kitai mensia, agi mayoh utai ti ulih dikerja ti bedau diasai ka orang ninggal ka dunya tu ba  maya biak. Tang Tuhan bisi cara Iya empu ngatur pengidup kitai, seput, pemati, pengidup kitai enggi Tuhan. 

Dalam kandang 31 taun tu mega, seudah aku graduate ari Kolej Yayasan Melaka (KYM), ianya ka bepun ka pengawa aku dalam nyukung diri sebilik kelebih agi aku mayoh bala menyadi ti biak ari aku. Tuhan endang adil, seagi agi kitai bekerja enggau bendar Tuhan sigi enda lokek nurun ka berkat ngagai ruang bilik. Diatu, enda ga kaya raja bulih reta tengkira, tang asai aku tanggungjawab aku ba ruang bilik sigi udah digaga aku enggau naka ulih. Nadai utai ulih ngelantang ka ati kelimpah ari meda diri sebilik gaga.

Sebarang aja

Bebulan-bulan udah nadai nulis berita dalam blog aku tu. Nadai nemu kebuah saritu lalu bisi ati nyenguk kitu lalu ka nulis mimit ditu ngambi ka enda sunyi. 

Tekepang asai ati laban ninga berita Stave Jobs ka udah nadai ninggal ka menua tu. Enda nemu aku berunding ka bisnis digaga iya laban tambah agi lebih berita angin ka ngumbai iPhone 5 deka dijual ba serata dunya. Lebuh aku muka website sida ia ba Apple nemunya iPhone 4S ka dikeluar lalu udah bisi dijual ba menua Sarawak tauka Malaysia ditu.

** Baka ni produk Apple udah tu ila **

Ari ka pengabis penudi

Pagila (18.06.2011) ianya ari ka pengabis penudi kami serumah, kelebih agi kami sebilik ngingat ka pemati niang adi kami Christopher Baking. Pagila genap sebulan ia dikubur sereta nadai dipeda kami. Tajapan basa udah diketas tang ati sigi meruan ngenang ia belama. Pemulai ia sigi aku berasai ba kami sebilik kelebih agi ia menyadi ti pemadu biak sereta ngasi ka apai indai. Pemulai ia ngasoh ruang bilik sunyi, ngasoh ati telih, ngasoh labuh ai mata ti bekenang ka iya belama.

Tang saritu aku sinu amat ati laban enda ulih enggau orang ngintu basa (muai ulit) ba rumah panjai di Saratok din. Nadai ko enggau, semina aku bepesan ngarap ka pengawa kita dirumah din mujur. Bejalai enggau manah lebuh mansang enggau pulai.

Tuhan merekat ka kita

Bulan Sunyi

Bulan enam tu bulan ka pemadu sunyi dalam pengidup aku. Lelenggau ka rumah panjai tang enti diau din nyau seilu-ilu laban ka agi berasai ngingat ka menyadi kami ka biak ka udah nadai tengah bulan lima tu tadi. Lemai ari duduk nunga diri sebilik, mata peli-peli, Seilu-ilu, asai ka ba bilik orang bukai. Cukup sunyi kami sebilik lemai ari laban maya nya kami ka betundi enti niang adi aku datai kerja. 

............ agi mode sinu ...........................

Selamat Hari Gawai

Minta ampun ngagai bala pemacha blog aku, bedau laban aku meri Selamat Hari Gawai ngagai bala kita. Nyau enda ingat ka update blog tu aku laban penusah ka nuntung kami sebilik. 

Enggau peluang tu aku meri Selamat Hari Gawai, Gayu Guru, Gerai Nyamai, Lantang Senang nguan menua tu. Arapka kita diberat petara dalam pengidup kita sereta idup meruan.

***

Saritu aku pulai ngagai alai kerja. Nadai pengerami lalu maya gawai kali tu, ba rumah nyau seilu-ilu meda mua diri sebilik, nyau asai ka diau ba menua bukai.

RIP - Christopher Baking (Ujang)

Pengidup siko-siko mensia endang udah diatur petara, enda ngira penuai tauka pemiak umur, enda milih dini alai, enda ngelala indu tauka lelaki, enti udah maya di udah ditetap ka petara, kitai sigi ninggal ka dunya tu. Ianya pulai ngagai asal kitai, tanah.

Tengah bulan tu tadi, kami sebilik dikenyitka enggau pemati menyadi lelaki aku ka pengabis biak ianya niang Christopher Baking Anak Gena tauka Ujang. Niang Ujang tu baru ka masuk 22 taun lalu pemati ia kategal esiden ngena kereta (HILUX) lebuh pulai bekerja ba siti kompeni balak ka enda jauh ari menua kami. Ujang ianya menyadi mereti sereta ngasi ka apai indai sereta idup ba atas kaki diri empu.

Enda aku ulih madahka chara pemati ia ba blog tu, tang pemati ia sigi enda disadang laban umur iya ka agi biak, tang munyi ka aku, pemati enda nitih ka penuai, sapa tuai dulu mati, ia enda bakanya..

Enggau peluang tu aku meri terima kasih ngagai bala kaban belayan, bala menyadi, petunggal, bala aya enggau ibu ka udah nyukung, nulung lebuh maya ngintu pemati niang menyadi aku. Enda ditinggal ka ngagai bala Pastor ka udah ngaup kami sebilik lebuh ngintup pemati niang adi aku, ngagai raban gereja di Ulu Budu, terima kasih mayoh ngagai bala kita. Aku semina ulih besampi ngagai Tuhan ngambi ka pengidup kita diberkat lalu mujur dalam ruang bilik kita.

RIP - Christopher Baking (Ujang), pengidup nuan ba dunya tu meruan dikenang..

Badu kerja

Asai ka boring udah aku kerja diatu. Lama udah munsin ka untak ba kerja ka bekait enggau duit. Ka keluar ari kompeni tu nyau takut ga, ngai ka nyadi penganggur terhormat.

Baka ni tu ah? Enda nemu ngaga pemutus!

Ah.. Enda lama agi begawai.